Fréttir
LÝSI HJÁLPAR VIÐ FITUBRENNSLU
06.01.2016
Fær lýsi nýtt hlutverk í framtíðinni?
Nýlegar rannsóknir við Kyoto-Háskóla í Japan benda til að neysla fiskiolíu ýti undir brennslu og dragi þannig úr fitusöfnun. Tilraunir á músum sýndu að sá hópur sem neytti fiskfitu þyngdist 5-10% minna og safnaði 15-25% minna af forðafitu en aðrir hópar.
Þetta kemur fram á vef háskólans. Ástæðan er í einföldu máli sögð sú að fiskiolían umbreyti fitufrumum úr geymslufrumum í brennslufrumur.
„Fyrri rannsóknir hafa sýnt margvísleg jákvæð áhrif af neyslu fiskifitu. Þar á meðal að dregið gæti úr fitusöfnun,“ segir Teruo Kawada, aðalhöfundur greinarinnar um rannsóknina.
„Því hefur lengi verið haldið fram að matur í Japan og við Miðjarðarhafið ýti undir langlífi. En skiptar skoðanir hafa verið uppi um hvers vegna. Nú höfum við enn betri innsýn í af hverju svo er.“
Frétt birtist á Hringbraut 4. janúar 2016
Nánar má lesa um þetta á:
http://www.kyoto-u.ac.jp/en/research/research_results/2015/151218_1.html
http://www.nature.com/articles/srep18013