19.08.2014
Tók þátt í samanburðarprófunum á vegum AOCS og GOED og lenti í fyrsta sæti.
Nýlega tók rannsóknastofa Lýsis þátt í samanburðarprófunum sem AOCS (American Oil Chemist Society) og GOED (Global Organization for EPA and DHA Omega-3s) skipulögðu. Þátttakendur voru fjölmargar rannsóknastofur sem hafa sérhæft sig í efnamælingum á lýsi. Allir þátttakendur fengu óþekkt sýnishorn af hreinsuðu og óhreinsuðu lýsi til mælinga á helstu efnisþáttum. Þegar niðurstöðurnar voru bornar saman kom í ljós að rannsóknastofa Lýsis var í fyrsta sæti fyrir nákvæma greiningu á ómegalýsi. Þessi ánægjulegi árangur er staðfesting á því að vinnubrögð á rannsóknastofu fyrirtækisins eru með ágætum.