Fréttir
LÝSI tekur þátt í sýningum
24.05.2014
Vitafoods í Genf og CPhI í Shanghai
Hluti af alþjóðlegu markaðsstarfi LÝSIS er þátttaka í sýningum. Sú helsta undanfarin ár hefur verið sýningin Vitafoods í Genf, sem haldin var dagana 6-8 maí. Þetta er mjög stór sýning og þar sýndu framleiðendur og seljendur á heilsuvörum hvaðanæva úr heiminum. Lýsi var með sérhannaðan bás annað árið í röð og líkaði básinn vel.
Framundan er svo sýningin CPhI í Shanghai í Kína 26-28. júní. Hún er einnig mjög stór í sniðum og beinist fyrst og fremst að markaðnum í Kína. Þetta er í fyrsta sinn sem LÝSI er með bás á þessari sýningu, en viðskipti við Kína hafa verið töluverð í allmörg ár.